యేసు మాటలో శక్తి

                                                   యేసు మాటలో శక్తి 

⭐ ఆయన మాటలో ఎంత శక్తి ఉన్నదో చూద్దాం!

1.మాటతో నీరు ద్రాక్షారసముగా మారింది, యోహాను 2:1-11

2. మాటతో పేతురు తనవల పిగిలిపోయేటంత చేపలు పట్టగలిగాడు లూకా 5:4-10

3. మాటతో తుఫానును ఆపివేశారు మార్కు 4:37-41

4. అంజూరపుచెట్టు వాడి/ఎండిపోయెను మత్తయి 21:18-21

5. శతాధిపతియొక్క సేవకుడు బాగుపడ్డాడు మత్తయి 8:1-13

6. కనానుదేశపు స్త్రీ యొక్క కుమార్తె బాగుపడింది. మత్తయి 15:21-28

7. 38 సంవత్సరాలుగా వ్యాదిగల వ్యక్తి బాగయ్యాడు. 5:5-9

8. దయ్యాలు వదలిపోయాయి లూకా 4:33-36

9. గెరాసేనుల దేశంలో సేన దయ్యం పట్టినవాడు బాగుపడ్డాడు, దయ్యాలు వదలిపోయాయి. మార్కు 5:1-20

10. చనిపోయిన లాజరు మాటతో బ్రతికి సమాధినుండి లేచివచ్చాడు. యోహాను 11:1-44

11. చనిపోయిన విధవరాలి కుమారుడు బ్రతికాడు. లూకా 7:11-16

👉 చూశారా! ఎంత శక్తి ఉందో ఆయనమాటలో!
నాయీను గ్రామమంతా వచ్చి ఆ విధవరాలితో “అమ్మా ఏడువకు!” అన్నారు. గాని ఆమె ఏడ్పును మాన్పించలేకపోయారు. యేసయ్య కూడా అదేమాటన్నారు, గాని అంతటితో ఆగకుండా చిన్నవాడా లెమ్మని చెప్పగా ఆ చిన్నవాడు లేచి కూర్చొన్నాడు. విధవరాలి ఏడుపు , సంతోషంగా మారిపోయింది.
👉 యేసుప్రభులవారు కేవలం మాటలదేవుడే కాదు.
👉 ఆయన చేతల దేవుడు కూడా!!!! అందుకే బ్రతికించి ఇచ్చారు.

🔆 ఆయన మాటలో శక్తి ఉంది అని చెప్పడానికి మాటతో అద్భుతాలు చేసారు.

🔆 ఆయన స్పర్శలో/తాకిడిలో శక్తి ఉంది అని చెప్పడానికి మరియు ఆయన ప్రేమను తెలుపడానికి చేతితో తాకి (కుష్టు రోగులను కూడా) స్వస్తపరిచారు.

🔆 ఆయన ఉమ్మిలో కూడా శక్తి ఉందని చెప్పడానికి ఉమ్మితో బురదచేసి స్వస్థపరిచాడు.

🔆 ఆయన వస్త్రంలో శక్తి ఉందని చెప్పడానికి 12సంవత్సరాలుగా రక్తస్రావరోగంతో బాధపడుతున్న స్త్రీని వస్త్రపు తాకిడితో నయం చేసారు.

📖 అతడు దౌర్జన్యము నొందెనుస, భాదింపబడినను నోరు తెరువలేదు. వదకుతేబడు గొర్రెపిల్లయు, బోచ్చుకత్తిరించువానిఎదుట గొర్రెయు మౌనముగా నుండునట్లు అతడు నోరుతెరువలేదు. యెషయా 53:7

👉 సర్వశక్తిగల దేవుడు మానవరూపియై భూమిపైకి వచ్చి తను హింసింపబడుచున్నా కూడా ఎందుకు నోరు తెరువలేదు?

👉 ఎందుకు మౌనముగా ఉండాల్సివచ్చింది?
⭐ మరి ఇంత శక్తివంతమైన దేవుడు ఎందుకు తనను హింసిస్తున్నా సరే మౌనముగా ఉన్నారు?
యెషయా 53:10-11; అతని నలుగగొట్టుటకు యెహోవాకు ఇష్టమాయెను. ఆయన అతనికి వ్యాదికలుగజేసెను. తననుతానే అపరాధ పరిహారార్ధబలిగా చేసుకొన్నారు. యెహోవా ఉద్దేశ్యము అతనిద్వారా సఫలమగును,.... నీతిమంతుడైన నాసేవకుడు జనులదోషమును భరించి, తనకున్న అనుభవజ్ఞానముచేత అనేకులను నిర్దోశులనుగా చేయును.

👉 ఆయన ఈ భూమిమీదకు వచ్చినదే నీకోసం, నాకోసం పాపపారిహారార్ధబలిగా అర్పిచుకోడానికి, బలిదానంకావడానికి! అందుకే అంత శక్తివంతుడైన దేవుడు తనను హింసిస్తున్నా నోరు తెరువలేదు. చివరకు తనను హింసిస్తున్న వారి క్షమాపణకై , వారి విముక్తికై “తండ్రీ వీరేమి చేయుచున్నారో వీరెరుగరు గనుక వీరిని క్షమించమని కోరారు”.

⭐ ఎంత జాలి! ఎంత ప్రేమ ఆ పరమతండ్రికి నీపై, నాపై. ఈలోకంలో నావారు అనుకున్న వాళ్ళే వదలివేసి వేల్లిపోచుండగా నీకోసం, నాకోసం యేసయ్య పరమును, పరమతండ్రిని, దూతలను, మహా మహిమను వదలి సామాన్యమానవునిగా ఈ భూలోకానికి వచ్చారు. రక్తాన్ని కార్చి బలై పోయారు. తిరిగి మృత్యుంజయుడై లేచారు. తిరిగి రాబోచున్నారు.
లోబడనోల్లని ప్రజలకోసం దినమెల్ల తనచేతులు చాపి పిలుస్తున్నారు.

👉 ప్రయాసపడి భారముమోసుకొనుచున్న సమస్తజనులారా!
నాయొద్దకు రండి, నేను మీకు విశ్రాంతిని కలుగాజేతును అని పిలుస్తున్నారు.

వస్తావా?
ఆయన మాట వింటావా?
ఇదే అనుకూల సమయం, నేడే రక్షణదినం!!!
దేవుడు మిమ్మును దీవించును గాక!
ఆమెన్! ఆమెన్! ఆమెన్!